خمس نكات من الاديب محمود شباط

1- نزل أبو قاسم من قريته إلى بيروت لزيارة ولديه اللذين يعملان هناك، وحين رجع إلى الضيعة سألته أم قاسم:

- شو شفتلنا ببيروت؟

- ببيروت الشيطان عم يشتغل شغلو

- كيف ؟

- بتفوتي عخزانه قد خزانتنا فيها خمس زرار فوق بعضن. بتكبسي عالزر بينزلك الطابق اللي بدك اياه.

**

2- زقفتلي شي ؟

سألت الجارة جارتها أم قاسم : طيب إنتي بتنامي بغرفه وبو قاسم بينام بغرفه ، وإذا بدو منك شي كيف بتتواصلو؟

- إذا بدو مني شي بيزقفلي

- وإذا بدك منو شي ؟

- بطل عالباب وبقلو : زقفتلي شي ؟

**

3- منشان ابن أختي

وصلت فتاة إلى عين الماء في القرية فوجدت فتاة أخرى جالسة هناك تبكي فسألتها عن سبب بكائها فردت الفتاة الباكية:

- أحدهم خطب أختي اليوم

- لازم تفرحي

- لأ لأ لأ ، بكرا بس تتزوج وتجيب صبي يمكن يجي عالعين ويغرق فيها.

**

4- مر شاب في يوم شتائي بارد على عين الضيعة فوجد آخر يغسل هرته فحذره بأنها سوف تموت من الغسيل في هذا الجو البارد فلم يأبه له غاسل القطة. وعند عودة الشاب الذي حذره وجد غاسل القطة يبكي قطته النافقة قال له:

- ما قلتلك بتموت القطة من الغسيل

- ولك لاه ، ما ماتت من الغسيل. ماتت من العصر.

**

5- استدانت إحدى أرامل الضيعة من الشيخ بو قاسم صاحب الدكان بما قيمته بيضتين ، ولما جاءت تسد الدين قالت له :

- هذا حقك يا شيخ ، وهيدي البيضه

- قال لها الشيخ : ولكن لي بيضتان

- رفعت صوتها : لا يا شيخ : لك بيضة واحدة 

- هاتيها هاتيها يا مستورة وألله يجازيكي