وجه أحد المواطنين سؤالا إلى رجل دين مسيحي:

ـ  لماذا يحب المسيحيون زوجاتهم ...؟

وكان الجواب:

ـ لأن المسيح قال ...... أحبوا أعداءكم

صعيدي مفتاح عربيته ضاع ميكانيكي جه فتحاله بطفاشه تاني يوم عمل نسخه من الطفاشه .

*********

صعيدي عمل عمليه نجحت عملها تانى.

*********

صعيدي بيعمل كشف نظر طلع نظره 6/6 فصاحبه بيقوله مش كده تمام قاله

أنا كنت ممكن أجيب أكتر من كده بس الدكتور اللي لخبطني .

*********

صعيدى دخل راسه فى قفص الاسد الحارس قاله انت بتعمل ايه يا بويا
قاله يا عم ما تخافش واحنا هناكله .

*********

صعيدى و صاحبه قاعدين عالقهوة بقالهم يجى ساعة ده يقوله دش والتانى يقوله لع ده دبش يقوله لع دش يقوله وانى بجولك دبش

صاحب القهوة نادى عالصبى قاله روح يابنى شيل الشطرنج ده من ادامهم.

*********

10 صعايده بيتعلموا ربط الكرافتة 6 ماتوا و 4 في حاله حرجه.

*********

الصعايده فتحوا محل بيتزا سموه بيتزا هعععععععععع .

*********

صعيدى واقف قدامه خمس شياطين واحد يوسوسله و اربعه يفهموه .

*********

اربع صعايدة راحو يلعبو بلياردو، واحد منهم وقف فوق الطرابيزة وقال لهم انا الجوووون.

*********

صعيدي ابنه بيقوله بكره عيد الحب يابا قاله : يوووه ايه الورطة دى! وده صلاته ازاي .

*********

صعايده بيلعبوا شطرنج الملك مات مشلول .

*********

مجموعة صعايده ماتوا غرقانين في غواصة بعد التحقيق في الحادث اكتشفوا أن واحد فيهم سمع خبط بره فتح يشوف مين .

*********

صعايده بلعبوا على قهوة واحد قال كش ملك والتاني قال دبش والثالث راح واخد الكوتشينة وماشى .

*********

واحد صعيدي حب يعمل روش كتب على الشومة أديداس .

*********

واحد صعيدي ماشي في الشارع لقى قشرة موز .... قال ييييه حتزحلق تاني.

*********

واحد صعيدي بيدهن الحيطة  ..قالوله حط جرنال تحتيك  ..قالهم لأ أنا كده طايل كويس .

*********

صعيدي وقع في حفرة حدفوله حبل طلع مشنوق .

*********

صعيدي راح أمريكا لقى الناس لابسين تي شيرتات مكتوب عليها بيبسى وكوكاكولا لما رجع البلد كتب على التي شيرت بتاعه عصير جصب.

*********

الأمريكان والروس بيترسموا على بعض الأمريكان يقولوا أحنا أول ناس طلعنا القمر ، والروس يقولوا لا أحنا أول ناس طلعنا القمر .. صعيدي كان واقف أضايق أوى ، قالهم أنتوا لما طلعتوا القمر لقيتوا هناك إيه قالوله طوب ورمل وزلط ، قالهم أحنا اللي مطالعينه.

*********

صعيدي عاوز يعلق لابنه البزازة دق في صدره مسمار.

*********

صعيدي أشتري عربية شبح طلع علي الطريق السريع عشان يجربها فشغل الراديو لقي المذيع بيقول هنا لندن الصعيدي قال يلعن أبو السرعة .

*********

بلديتنا عايز يعلم ابنه انجليزى راح ابتدائي منفعش، راح ثانوى منفعش، راح الجامعة منفعش، قال لازم اوديه انجلترا واجوزه واحدة من هناك عشان يعرف يتكلم انجليزى، راح فى الصباحية بيقولها "مستر هريدى موجود؟" قلتلوا "نجولو مين؟"

*********

شجرة الدر لما اخفت خبر موت جوزها علشان الجيش يكمل الحرب

و ام ابو اسماعيل لما خدت الجنسية الامريكية

**

ام ابو اسماعيل

مش اكتر منك وطنية

ابوس ايديكى انقذينا

** 

كانت جيد و جيد جدا و امتياز

و اصبحت بعد حكم الاخوان

شاطر

شاطر جدا

بديع

**

السيدة التى حكمت مصر : شجرة الدر

السيدة التى هزت عرش مصر: ناهد رشاد

السيدة التى خربت بيت مصر: سوزان مبارك

السيدة التى حمت مصر : ام ابو اسماعيل

**

انتحار صاحب المطبعة التى تطبع

بوسترات ابو اسماعيل

**

الحل الوحيد للاستفادة من بوسترات ابو اسماعيل

نكتب فوقها خيرت الشاطر

ابو اسماعيل سابقا

واحد بيقول لواحد صاحبه:

حط كلمة (رائع) في جملة مفيدة.

قال له: الصبح اكلت سندويتش طعمية.. وبعدين قمت رائع سندويتشين فوول

مسطول بيصلى جنب واحد اسمر

الامام قال استووا..

رد المسطول: كلنا استوينا يا حضرة الامام بس فيه واحد احترق

**

وحدة تسأل جوزها : لو متّْ هتعمل إيه ؟؟

قال : ده أنا أتجنن ..

قالت له :يعنى مش حتتتجوز بعديَ ؟؟

قاللها : المجنون يعمل أى حاجه

أتصل حشاش مصري بأوباما و قاله أحنا أعلنا الحرب علي أمريكا

أوباما أتخض .. و قالوا انتم مين ؟

الحشاش قالوا انا و بيسو و علاء و حناوي و ميخا و 3 صحبنا كمان من القهوة يعني 8 وحوش .

أوباما ضحك في سخرية و قالو تعرف أني عندي 2 مليون جندي تحت أمري..

الحشاش قالوا … لا جديدة دي لازم أتشاور انا و الشباب …

المهم الحشاش أتصل بيه تاني يوم و قالوا متقلقش يا أوباما مش حنعلن الحرب عليكم

أوباما أبتسم و قالوا ليه ؟؟

الحشاش قالوا مفيش بس معندناش مكان يكفي 2 مليون أسير في القهوة

واحد بخيل بيقول لخطيبته

تاخدي فلوس ولا موبايلي الجديد.

قالت فى سرها دا بخيل لو قلتلوا فلوس ممكن يديني 2 جنيه

فقالتلو لا هات الموبايل.

قالها طب اكتبي عندك.

03459107

لماذا كان سيدنا آدم محظوظ ومرتاح جداً مع أمنا حواء عليها السلام؟

هنالك ستة أسباب أمام جدتنا حواء في أنها لا تستطيع أن تقول لآدم كما تقول بقية النساء :

1.أنها لا تستطيع أن تقول أنا ساويتك بني آدم.

2. أنها لا تستطيع أن تقول له روح اتعلم من الرجال التانيين

3.أنها لا تستطيع أن تقول له وين كنت مبارح ؟

4.أنها لا تستطيع أن تقول له ليش عم تعطي مصاريك لأمك ؟

5.أنها لا تستطيع أن تقول له ليش عم تتطلع بهديك المرأة

6.أنها لا تستطيع أن تقول له بس لو تعرف كم عريس أجاني قبلك.............!!!

عائلة كسووووولة جدا جدا

الزوج وهو قاعد راح متاوب

مراتة قالت له

بالمرة وانت فاتح بقك اشخط ف العيال

فى لقاء مع الرئيس مبارك ضم الإمام الأكبر شيخ الأزهر الشريف، وقداسة البابا شنودة، رن موبايل البابا عدة مرات فكان يرد باقتضاب : مشغول .. عندى اجتماع .. غدا .. ليس الآن ..

فضاحكه الشيخ طنطاويى : يا قداسة البابا أليست لى مكالمة ؟

فمازحه البابا : يا سيدى التليفون بيضرب جرس .. لما يؤذن حديهولك

**

ذات مرة قال تاجر أردنى لقداسته : عندى مشروع بحاجة لدعم الكنيسة، وهو تعبئة مياه نهر الأردن الذى تعمد فيه السيد المسيح فى زجاجات وبيعها فى مصر للبركة.

فأجابه البابا : طب ما المسيح جاء إلى مصر وشرب من مياه النيل فما رأيك لو عبأناها فى زجاجات وبعناها فى الأردن؟!

**

فى إحدى المرات سأله مذيع: ما حكاية الأقباط الذين يتحدثون عن دولة لهم فى أسيوط؟

قال قداسته : إزاى الكلام ده ؟ ! وعندنا أساقفة كتير قوى، هنوزعهم إزاى على أسيوط، ممكن نخلى كل أسقف على حارة ونسميهم الآباء الحواريون

**

وفى مرة أخرى وبينما كان يلقى عظة صاح صعيدى من الذين ينطقون القاف جيما بصوت عال : إنت جاموس يا سيدنا (يقصد قاموس)

فقال قداسة البابا بسرعة بديهة مدهشة : الرك على العجول إللى تفهم يقصد (العقول).

**

سأله أعزب : عندى 55 سنة ونفسى أتجوز

فرد قداسته : إذا عندك 55 يبقى لازم تتجوز أم 44

**

سألته سيدة : هل يمكننى الاعتراف من خلال التليفون ؟

( ومن المعروف فى تقاليد الاعتراف بالكنيسة أن يضع القسيس يده على رأس المعترف )

فأجابها البابا : ممكن .. بس لما أقرأ لك التحليل ياريت تحطى سماعة التليفون على راسك

**

سأله صعيدى : يا قداسة البابا أنا صعيدى وبلديات قداستك، وجاى مصر علشان اسأل سؤال واحد : هل يوم القيامة هنجوم صعايدة زى ما إحنا ولا لع،

فرد البابا يوم القيامة مش هتقوم صعيديى .. ربنا هايكون صلحك على الآخر .. وتقوم كملائكة الله فى السماء

**

اشتكت له أم من ابنها : الواد مكفر سيئاتى ..

فقال لها : طيب وإنت ليه يكون عندك سيئات علشان يكفرها الواد