نكات كثيرة

مين اللى حرر المصريين؟

أكيد

أكيد

أكيد

اللى قفل المروحه

-----------------------------------

واحده بتسأل شيخ: هى عدة المطلقة إيه؟

قال لها N73

-----------------------------------

لو حسيت إن الدنيا ضلمه

إذكر الله

لو حسيت إنها لسه ضلمه

قوم صلى ركعتين

ولو حسيت إنها ضلمه

ما تستغباش وقوم ولع النور

----------------------------

واحد بيعيط فى جنازة مراته

سألوه: بتحبها؟

قال: لأ ... بس سمعت إن البكا بيعذب الميت

---------------------------------

ثلاثة أندال بيتنافسوا مين أندل واحد فيهم

لقيوا ست عجوزة ماشيه على عكاز

- الأول: خد العكاز منها فوقعت

- الثانى: خد العكاز وضربها بيه

- الثالث: قعد يضحك سألوه: بتضحك ليه؟

قالهم: أصل الست اللى انتوا بتضربوها دى تبقى أمى

--------------------------------

أهديك قول الشاعر:

زحلقنى الصابون فى الطرقة – من كتر البعاد والفرقة

-----------------------------

صعيدى دخل الجيش

زميله بيسأله: إنت منين؟

قاله: أنا من دشنا، وانت كمان من دشنا؟

قاله: لأ

راح ضربه بالنار

وقال: تبقى من ديش العدو.

-------------------------------------

الشباب الفافى بيشتروا اللبن إزاى؟

عمو ... بليز ممكن عصير بقر.

------------------------------------

مساطيل عاملين ندوة ثقافية كبرى بعنوان:

" نجيب محفوظ ولا ما نجيبوش"

----------------------------------

عروسه رفيعه

ليلة فرحها لفوها بجرايد عشان تتخن

العريس دخل عليها كل ما يفتح جورنال يلاقى جورنال

اتصل بحماته وقالها: هى العروسه صفحة كام؟

----------------------------------

سألوا مصرى: ليه المصريين بيحلفوا كثير؟

قال: طب والله العظيم دى إشاعه

قسماً بالله ده افترى

والمصحف ما صحيح

وعهد الله ده ظلم

وربنا احنا مش كده.

--------------------------------

فى أقوى رد فعل مصرى

قررت الحكومة المصرية

شطب الجزائر

من بنك الحظ

---------------------------------------

مثقف ركب الطياره فقال للمضيفه

This is no talking, I student one tea from clock.

بالمصرى: ده مش كلام أنا طالب واحد شاى من ساعه

---------------------------------------

بشرى ساره لأعزائنا الطلبة والطالبات من فودافون

لو اتزنقت فى سؤال ممكن تبعت رسالة غششنى شكراً

فقط اطلب *868*برشام#

-------------------------------------

عملوا مسابقه

"مين اللى يقدر يقعد سنه ياكل نفس الأكله"

الفرنساوى قال لهم هاتوا لى طن بطاطس

اليابانى قال لهم هاتوا لى طن رز

بلدياتنا قال لهم: هاتوا لى سيجاره

وبعد سنه

فتحوا الباب على الفرنساوى لقوه مات

فتحوا الباب على اليابانى لقوه مات

فتحوا الباب على بلدياتنا قال لهم هاه جبتوا الولاعه؟

--------------------------------------

واحده ساكنه عند محطة قطر

كل ما يعدى القطر درفة الدولاب تقع

فجابت النجار يشوف الدرفة

دخل جوزها من بره وفتح الدولاب

لقى الراجل قاعد فى الدولاب

قاله: نهارك اسود، بتهبب ايه هنا؟

قاله: لو حلفت لك انى قاعد مستنى القطر هاتصدقنى

---------------------------------------

لو عايز تروح القمر ومعاكش غير جنيه تعمل ايه؟

؟

؟

؟

؟

تعمل مصيبه توديك ورا الشمس

ومن هناك تاخد توكتوك بجنيه للقمر

-------------------------------------

مسطول عنده حسنة فوق عينه وقف قدام المرايا يقول ياربى عين دى ولا غين

ـــــــــــــــــــــــــــــــــــــ

ظابط مسك عيل بيشم قاله هو الشمام الصغير اسمه ايه قاله كنتلوب ياباشا

ـــــــــــــــــــــــــــــــــــ

واحد بيسال شيخ لو شوفت اسد وانت بتصلى تكمل ؟ قاله لو فضلت على وضوئى اكمل

_________________

واحد بلدياتي بعت لامه علبة كبريت

قالتله مش شغالة

قالها ازاي انا مجربهم واحد واحد

ـــــــــــــــــــــــــــــــــ

جماعة بلدياتي قاعدين ف خيمة وعاوزين يولعوا عشان يطبخوا

بعتوا واحد يجيب كبريت

خرج من باب الخيمة ودخل من الباب اللي ورا

قالهم عندكوا كبريت

قالولوا اقعد بعتنا نجيب

ـــــــــــــــــــــــــ

بلدياتي بيعاكس واحدة في التليفون

قالتله شكلك صعيدي

قالها ينعل ابو اظهار الرقم ديه

ــــــــــــــــــــــــــــــ

صعيدي سال اجنبي

انت مرتبك كام

قاله 1000 دولار بدل معيشة

دولار بدل سفر 1000

دولار بدل تغذية 1000

....... دولار بدل 1000

قاله وانت

قاله 200 جنيه

وسكت

الاجنبي قاله دا بدل اية

الصعيدي قاله بدل ما امد ايدي عليك

ـــــــــــــــــــــــــــــــــ

بلدياتي كشف نظر جاب 6 علي 6

قال لصاحبه كنت هاجيب اكتر

بس الدكتور وترني

ـــــــــــــــــــــــــــــــ

بخيل حبتين

وعلي فراش الموت

بيقول لولادوا:

يا محمد قاله اناهنا يا بابا

يا مني انا هنا يا بابا

يا سعاد انا هنا يابابا

امكوا فين يا ولاد

اناهناياحاج

قالهم لما انتوا كلكوا هنا

سايبين نور الصالة والع ليه؟؟

ـــــــــــــــــــــــــــــــ

بلدياتي بخيل راح يزور امه ف المستشفي

لقي الباب مكتوب عليه ادفع

قال ربنا يقومك بالسلامة يا حاجة

اجيلك لما ترجعي البيت ان شاء الله بالسلامة

ــــــــــــــــــــــــــــــ

واحد صعيدى حب يطور طيارة هليكوبتر

شال المروحة وركب تكييف

ــــــــــــــــــــــــــــــــــ

اتنين مساطيل ركبوا أتوبيس بدورين

اللى فوق سأل اللى تحت انتوا ماشين بسرعة كام؟

قالوا 80, وانتوا؟

قاله السواق لسه مجاش

ـــــــــــــــــــــــــــــــــــــ

واحد راح مستشفى المجانين لقي كل المجانين عماليين ينطوا ويقولوا إحنا فشار!

لقى واحد قاعد على جنب

قال بس هو ده العاقل اللى فيهم

قاله انت قاعد ليه كده؟

قاله

سيبنى دلوقتى

انا لازق فى الحلة

ــــــــــــــــــــــــــ

مسطول بيقول لصاحبه عايزين نطلع فنانين

انت فنان تشكيلى

وانا فنان اشكيلك

ــــــــــــــــــــــــــــــ

قطة سكرانة ماشية تقول

الله يخرب بيت الحشيش وسنينه هيا ك انت ماو ولا ناو

ـــــــــــــــــــــــــــــــــ

واحد صعيدي روحه بتطلع الشيخ قاله

قول الشهادة بسرعة

قالوا (دبلوم صنايع)

ــــــــــــــــــــــــــــــ

مرة واحد راح مكة ووقف امام الكعبة وقال

يارب اغفر لى عن كل كلمة حكيتها عن الصعايدة وانى اتوب اليك توبة صادقة وفجأة جاله واحد صعيدى من وراه وسأله

هيا القبلة منين؟

قال شفت يارب هما اللى بينكوشونى

ــــــــــــــــــــــــــــــــــ

واحد اتصل بواحد صاحبه وقاله

انا عارف ان الوقت مش وقت رسالة بس الموضوع مهم وقلقنى ومش مخلينى عارف اركز ولولا ثقتى الكبيرة فيك مكنتش سألتك

هيا الطيارة فيها كلاكس؟

ـــــــــــــــــــــــــــــــــــــــــ

مساطيل بيكتبوا محاضرة ورا دكتور

كل مايمسح السبورة يقطعوا الصفحة

ــــــــــــــــــــــــــــــــــــــــ

واحد بينسى الدكتور قاله روح حج يمكن تخف

راح حج وهو راجع بيفكر نفسه

حج وحجينا

طواف وطفنا

سعى وسعينا

عرفة ووقفنا

ناسى ايه تانى يابطرس؟؟؟

ــــــــــــــــــــــــــــــــــ

واحد كسب مليون جنيه راح لمراته يفرحها فماتت من شدة الفرحة قال :

سبحان الله الخير لما بيجى بيجى مرة واحدة